Tamil Entrepreneurs

கிரிக்கெட் To வங்கி சேவை; சவால்களை கடந்து உதய் கோட்டக் சாதித்தது எப்படி? திருப்புமுனை -13 -Success story of Uday Kotak from its Cricket platform to Banking Sector


கிரிக்கெட் To சொந்தத் தொழில்…

கடந்த வாரம் நாம் பார்த்த முஞ்சலின் குடும்பமும் பாகிஸ்தானில் இருந்து இந்தியாவுக்கு வந்ததுபோல, உதய் கோட்டக்கின் தந்தை பாகிஸ்தான் கராச்சியில் பிறந்தவர். அறுபதுக்கும் மேற்பட்டவர்கள் உள்ள பெரிய குடும்பம். மொத்தக் குடும்பமும் டெக்ஸ்டைல் தொழிலில் இருந்தது. பருத்தி உள்ளிட்ட விவசாயப் பொருள்களை விற்பனை செய்யும் நிறுவனங்களை நடத்தினார்கள்.

மும்பையில் உள்ள சைடென்ஹம் (Sydenham) கல்லூரியில் பிகாம் முடித்த உதய் கோட்டக். அடுத்து, சி.ஏ படிக்கலாமா? அல்லது எம்.பி.ஏ படிக்கலாமா? என்னும் இரு வாய்ப்புகளில், எம்.பி.ஏ-வைத் தேர்ந்தெடுத்தார். ஜம்னா பஜாஜ் நிர்வாக கல்லூரியில் எம்.பி.ஏ சேர்ந்தார். கிரிக்கெட்டில் ஆர்வம் மிக்கவர் உதய். லீக் போட்டிகளில் ஆடக் கூடியவர். கிரிக்கெட்டில் அடுத்த கட்டத்துக்கு செல்ல வேண்டும் என்பதுதான் அவரது இலக்கு. ஆனால், லீக் போட்டியில் விளையாடும்போது பந்து தாக்கியதில் பலத்த காயம்.

கிரிக்கெட்

கிரிக்கெட்

அறுவை சிகிச்சை, நான்கு மாதங்களுக்குமேல் படுக்கையில் இருக்க வேண்டிய சூழல் ஏற்பட்டதால், கிரிக்கெட் மட்டையைத் தொடக் கூடாது என்று வீட்டில் சொல்லிவிட்டார்கள். எனவே, அவரால் கிரிக்கெட் விளையாட முடியவில்லை. அந்தாண்டு செமஸ்டர் தேர்வையும் எழுத முடியவில்லை என்பதால், ஓர் ஆண்டு நஷ்டம்.

அதனால் குடும்பத் தொழிலைக் கவனிக்க சென்றார். அங்கு ஏற்கெனவே பத்துக்கும் மேற்பட்டவர்கள் இருந்தார்கள். அதனால் அந்தத் தொழிலை அவரால் தொடர முடியவில்லை. காரணம், ‘‘தொழிலில் லாஜிக் அடிப்படையில் முடிவெடுக்க வேண்டும். ஆனால், இங்கு எந்த முடிவும் லாஜிக் அடிப்படையில் எடுக்கப்படுவதில்லை. அதனால் அங்கு என்னால் தொடர முடியாது’’ என வெளியேறிவிட்டார்.

‘‘படித்து முடித்தபிறகு என்ன வேண்டுமானாலும் செய்வேன். ஆனால், குடும்பத் தொழிலிலுக்கு மட்டும் வரமாட்டேன்’’ என உறுதியாக இருந்தார் உதய். அவரின் குடும்பத்துக்குச் சொந்தமான ஒரு குடோனில் சிறிய இடத்தை அவருக்கென ஒதுக்கித் தந்தார்கள். அதில் அவருக்கு விருப்பமான தொழிலை செய்யுமாறு உதய் கோட்டக்கின் அப்பா சொல்லிவிட்டார்.



Source link

Leave a Reply

Your email address will not be published.