Tamil Entrepreneurs

பாகிஸ்தான் டு இந்தியா; சைக்கிள் டு மோட்டார் பைக்; ஹீரோவின் சாகசப் பயணம்! -business success story of Hero motorcorp


ஹோண்டாவுடன் கூட்டணி…

ஆனால், ஜப்பானை சேர்ந்த ஹோண்டா நிறுவனத்துடன் பேச்சுவார்த்தையைத் தொடங்கியது ஹீரோ. இதேபோல, 140 விண்ணப்பங்கள் ஹோண்டாவுக்கு வந்தன. ஆனால், ஹீரோவுடன் இணைவதற்கு ஹோண்டா விருப்பம் தெரிவித்தது. இதில் முக்கியமான திருப்புமுனை என்னவெனில், ஸ்கூட்டர் பிரிவில் ஹோண்டாவுடன் இணைய வேண்டும் என்பது ஹீரோவின் விருப்பம். ஆனால், மோட்டார் சைக்கிள் பிரிவில் இணையலாம் என ஹோண்டா விருப்பம் தெரிவித்தது. (ஸ்கூட்டர் பிரிவுக்கு வேறு நிறுவனத்துடன் இணைய முடிவு செய்திருந்தது ஹோண்டா!).

அடுத்து என்ன செய்வது என ஹீரோ குழுமத்துக்குப் புரியவில்லை. மோட்டார் சைக்கிள் குறித்து தெரியாது. அதற்கான சந்தை இருக்கிறதா என தெரியாது. இருந்தாலும் ஹோண்டா நிறுவனத்துடன் இணைந்து தயாரிக்கலாம் என்பதால், மோட்டார் சைக்கிளை இணைந்து தயாரிக்க ஹீரோ முடிவெடுத்தது. சைக்கிளில் வெற்றி, மொபட்டில் வெற்றி, மோட்டர் சைக்கிளையும் பார்த்துவிடுவோம் என களம் இறங்கியது ஹீரோ. 1983-ம் ஆண்டு டிசம்பரில் ஹீரோவுக்கும் ஹோண்டாவுக்கும் இடையே ஒப்பந்தம் கையெழுத்தானது. கூட்டு நிறுவனம் 1984-ம் ஆண்டு ஜனவரியில் தொடங்கப்பட்டது.

ஹீரோ ஹோண்டா நிறுவனத்தின் முதல் மாடலான சிடி 100 உருவாக்கப்பட்டபோது, ஒரு லிட்டருக்கு 100 கிலோ மீட்டர் செல்லுமாறு வடிவமைக்க வேண்டும் என்பதுதான் திட்டம். ஆனால், 80 கிமீ வரை செல்லுமாறு வடிவமைக்கப்பட்டது. 10,000 ரூபாய்க்குக்கீழே இருக்குமாறு விலை நிர்ணயம் செய்யப்பட்டது. அதுவரை இந்திய சாலைகளில் ஸ்கூட்டர் மட்டுமே இருந்த சூழலில் புதிய சந்தையை உருவாக்கியது ஹீரோ ஹோண்டா.

1999-ம் ஆண்டு ஸ்ப்ளண்டர் அறிமுகம் செய்யப்பட்டது. அதுவரை மார்க்கெட் லீடராக இருந்த பஜாஜை, 2001-ம் ஆண்டு ஹீரோ ஹோண்டா முந்தியது. அந்த ஆண்டு 10 லட்சம் வாகனங்கள் என்னும் இலக்கினை எட்டியது. பேஷன், சிடி டான் என பல புதிய மாடல்களை சந்தைக்கு அறிமுகம் செய்தது.



Source link

Leave a Reply

Your email address will not be published.