Tamil Entrepreneurs

விடாமுயற்சி விஸ்வரூப வளர்ச்சி: அதானியின் சொத்து மதிப்பு இரண்டரை ஆண்டில் 14 மடங்கு அதிகரிப்பு…! | tycoon Adani’s net worth rises 14-fold in two-and-a-half years


2014-ம் ஆண்டு அதானியின் சொத்து 7.1 பில்லியன் டாலராக இருந்தது. ஆனால், இப்போது சொத்தின் மதிப்பு ரூ.152 பில்லியன் டாலராக அதிகரித்து இருக்கிறது. உலகின் இரண்டாவது மிகப்பெரிய பணக்காரர் என்ற அந்தஸ்துக்கு உயர்ந்துவிட்டு பங்குச் சந்தையின் வீழ்ச்சியால் தற்போது மூன்றாவது பெரிய பணக்காரனாக இருக்கிறார்.

கடந்த ஒரு ஆண்டில் பங்குச் சந்தையில் அதானி பங்குகளின் விலை அபரீதமான வளர்ச்சி அடைந்திருக்கிறது. அதானி பவர் உட்பட அதானி பங்குச்சந்தையில் பட்டியலிட்ட ஏழு நிறுவனங்களின் பங்குகள் பல மடங்கு அதிகரித்ததால், அதானியின் சொத்தும் மளமளவென அதிகரித்தது.

அதானி குழுமம்

அதானி குழுமம்

2020-ம் ஆண்டு அதானியின் சொத்து வெறும் 10 பில்லியன் டாலராகும். ஆனால், பங்குச் சந்தையில் நடந்த கிடுகிடு வளர்ச்சி காரணமாக அவரின் சொத்து 2022-ம் ஆண்டு 152 பில்லியன் டாலர் அளவுக்கு அதிகரித்து இருக்கிறது. இதற்கு முக்கியமான காரணம், முதலீட்டாளர்கள் அதானி நிறுவனத்தின் மீது வைத்துள்ள அசைக்க முடியாத நம்பிக்கை என்றே கூறவேண்டும்.

கடந்த இரண்டரை ஆண்டுகளில் அதானியின் சொத்து 14 மடங்கு அதிகரித்து யாரும் எட்ட முடியாத உயரத்திற்கு அதானி சென்று இருக்கிறார். ஆனால், அவரது சொத்து மதிப்பீட்டில் குளறுபடி இருப்பதாகவும், பல லட்சம் கோடி அளவுக்கு கடனை வாங்கி இருப்பதாகவும் கூறப்படுகிறது.

பிரதமர் மோடியின் தயவால் அதானி கேட்கும் போதெல்லாம் வங்கிகள் கடனை வாரி வழங்கிக்கொண்டிருக்கிறது. அதனை அதானி சரியான முறையில் பயன்படுத்தி வருகிறார்.

மும்பை தாக்குதல் மற்றும் கடத்தலில் உயிர் தப்பிய அதானியின் வளர்ச்சி அடுத்த சில மாதங்களில் உலகின் மிகப்பெரிய பணக்காரர் என்ற அந்தஸ்த்தை அடைய நிறையவே வாய்ப்பு இருப்பதாக சொல்கிறார்கள் பிசினஸ் வல்லுநர்கள்!



Source link

Leave a Reply

Your email address will not be published.